تيليسكوب أو نظارة ملونة..!

.. You may see the red flower as a symbol of the start of a deep perfect Love

and I may see the same red flower as the symbole of lack of power,depreciation and weakeness

قبل كم يوم كان علي افهم قصيده , واشرحها ثم..انقدها بناءً على فهمي لها ,

كانت واضحة لي , واضحة وممتعة بالطريقة اللي فهمتها فيها ..

وقتها كنت مقتنعة باللي فهمته , طلعت من الإختبار , لقيت صاحباتي تقريبا فهموا نفس مافهمت

بس النقد نفسه وطريقة تحوير القصيدة كانت طريقتي _ من وجهة نظري _ اغرب من المفروض تكون

انا طبقت الستركتشرليزم لنقد هذي القصيدة

بعدين من بكرا رحت استفسر من الدكتورة اللي مررره تحبني _(والعكس صحيح) قالت : it's NOT true Dreams

قالتها بإبتسامة :) : خطأ يا دريمز ..خطـــــــأ..بالتشديد الشديد العتيد على الطاء, وهي تقولها تبدأ مسرحية: ينقطع صوتها عني وتنعرض صور ولقطات من مخي خلفية لإبتسامتها واشوف شفايفها تتحرك , تقول شيء …أكيد .. سمعته من قبل ..

اولاً قبل ما اروح لها كان ببالي كل المواقف اللي كنت فيهم افهم الأشياء غير اللي حولي ,إما افهمها عكس , او افهم الشيء اللي مايـنفهم ولا افهم اللي الكل فهمه ..

كنت دائما اشوف العالم يطالعون يمين اللوحة , يطالعون الشخصية المرسومة جالسه, واقفه, نايمه …, وانا عيوني عالقه اطالع اطراف اللوحة بكل تدقيق ,اتأكد من ان الخطوط مستقيمة مافيها انحناءات , التلوين كان عرض او طول, طريقة تلوين اللوحة هنا فيه ضغط على الريشة اكيد كان رسامها منفعّل . لو يسألوني عن اطراف اللوحة, طريقة تلوينها , مقاسات ريّشها .نوعية الألوان تغيرت , ريحتها شلون,, بقايا شعر الريّش .. اقدر اجاوب ..لكن لو يسألوني عن اللي كان في اللوحة ؟ بقول انه شخص اكيد ..لكن وش كانت وضعيته وايش …

مافيه عندي اي معلومة ولا راح يكون عندي إلا لو شفتها مرة ثانية .

اقدر اصف نفسي بالشخص اللي لابس {منظار مكبر} أو {تليسكوب} دائماً طول وقته مايقدر يخلعه , يقدر يشوف اشياء صغيرة ,اشياء بعيدة مايشوفها احد غيره , بس مايقدر يشوف الاشياء الكبيرة اللي يشوفها غيره و يعاتبونه لأنه مايشوفها ..بس الغريب عمرهم مايعاتبون انفسهم : ليش هم مايشوفون هذي الآشياء الصغيرة..! , أو على الأقل ماراح اقول يستفيدون من صاحب التليسكوب هذا بس يوقفون يجبرونه انه يشوف اشياءهم الكبيرة اللي تتعبه وتسبب له مشاكل معنوية ومادية وهو يشوفها , وهم كمان لو اجبرهم يشوفوا اشياءه الصغيرة مو بس بتسبب مشاكل لهم بأفضل تقدير راح يصابون بعمى مؤقت .

اتركوا من يلبس نظارة حمراء فيرى الصورة حمراء والآخر الذي يراها خضراء

لكل طريقته في رؤية الأشياء , ولم يخلقه ربه هكذا عبثاً ..!

,

لا ترووا الأشياء بطريقتي

ولا ارى الأشياء بطريقتكم

ليتقبل بعضنا البعض كما نحن

اراكم رائعون, بكل تفاصيلكم ,وخطوطكم المعوّجة

,

فلتروني…. "كما انـــا " .